Lajme

Ramush Haradinaj tha se PSD mund të shkrihet në AAK, vjen përgjigja nga Dardan Sejdiu

10/30/2019 15:23
nga:Gazeta Blic

Në legjislaturën e fundit në Kuvendin e Republikës së Kosovës ishte vërejtur një afrim ndërmjet PSD’së së Shpend Ahmetit dhe AAK’së së Ramush Haradinajt.

Të dalët nga Lëvizja Vetëvendosje disa herë kanë mbështetur qeverinë Haradinaj, në këmbim të plotësimit të disa kushteve që i vendosnin ekzekutivit prej ulëseve të opozitës.

Një bashkëpunim i tillë vazhduar dhe rezultoi më koalicion në zgjedhjet e parakohshme të 6 tetorit që erdhën si pasojë e dorëheqjes së Ramush Haradinajt nga posti i kryeministrit. AAK-ja dhe PSD-ja vendosen që të futen bashkë në garën për të marrë pushtetin.

Megjithatë një bashkëpunim i tillë sipas numrit të votave të marra që figurojnë në faqen zyrtare të KQZ’së nuk rezultoi i suksesshëm dhe e dërgoi partinë e Haradinajn në opozitë. AAK’ja ka mbetur aty ku ishte me vota edhe pse me numër më të madh të deputetëve, ndërsa PSD’ja sipas të gjitha gjasave në Kuvend do të përfaqësohet vetëm me një deputet ose fare, varësisht se cili do të jetë rezultati përfundimtar i KQZ’së.

Lidhur me këtë çështje në emisionin Pressing të T7 ka folur kryetari i AAK’së Ramush Haradinaj. Teksa treguar planet e AAK’së dhe për bashkëpunimin e mëtejshëm mes dy partive, ka thënë se mbetet i hapur për një bashkim me partinë e Shpend Ahmetit, që nënkupton shkrirje të PSD’së në AAK, nëse gjithmonë ka interes edhe nga pala tjetër.

“Kisha bashkëpunuar me ta nëse kanë interesim. Nëse kanë interesim dhe dëshirojnë partneritet afatgjatë. Si dy subjekte na s’mundemi, sepse nuk është koalicion zgjedhor. Nëse ata e shprehin dëshirën për një shkrirje të përbashkët, apo të një formule, pse jo. Po ndoshta po. S’kam pas mundësi ( për ta diskutuar), por do ta bëja me kënaqësi”, ka thënë Haradinaj.

Megjithatë nga PSD’ja thonë se nuk janë parti për t’u shkrirë në një formacion tjetër politik.

Në një prononcim për Gazetën Express, Dardan Sejdiu, ka thënë se PSD’ja as që do ta diskutojë ndonjë herë lidhur me diçka të tillë.

“Partia Socialdemokrate është i cili është këtu për të qëndruar. Koncepti i shkrirjes në subjekt tjetër, as që është diskutuar, e as që do të diskutohet”, ka thënë ish-kreu i Grupit Parlamentar të PSD’së.

Në zgjedhjet e 6 tetorit, në vendin e parë ka dalë Vetëvendosje e prirë nga Kurti, e dyta LDK’ja me Vjosa Osmanin kandidate për kryeministre, Veseli në vendin e tretë me PDK’në, ndërsa koalicioni i Haradinajt me Shpend Ahmetin është renditur në vendin e katërt.

Një rezultat të tillë nga AAK’ja thonë se e respektojnë, megjithatë thonë se si duket punët e bëra përgjatë dy viteve nuk janë vlerësuar nga sovrani.

11/14/2019 09:20

Haradinaj: Kongresi i Manastirit, shtyllë historike për identitetin shqiptar