Cool

Lindi në mes të katastrofës së Çernobilit, si duket sot vajza e vetme që jetoi brenda tmerrit radioaktiv

06/11/2019 16:58
nga:Natyra

Dikur Pripyat ishte një qytet plot jetë në Ukrainë. Kurse tani shtëpitë, shkollat, spitalet dhe shumë ambiente të tjera janë rrënuar.

Në këtë qytet jetonin rreth 50.000 banorë, derisa mëngjesin e 26 prillit të vitit 1986 ndodhi aksidenti vdekjeprurës i centralit bërthamor të Çernobilit.

Herët në mëngjes më 26 prill 1986, reaktori i njësisë së Katërt të Çernobilit po i nënshtrohej një prove për sistemin e ftohjes. Reaktori u nxeh dhe shpërtheu nga presioni i avullit, duke shkatërruar mbulesën e termocentralit.

Rrezatimi bërthamor u përhap ndërsa njerëzit flinin, ai përfshiu gjithë Pripyatin, pak sa në veri të Çernobilit.

Grimcat radioaktive era i shpërndau në një zonë të gjerë, Ukrainë, Bjellorusi, Rusi. Pastaj, Skandinavi, Britani dhe pjesët e tjera të Evropës. Ajo që ndodhi në Çernobil mori me mijëra jetë njerëzish.

Gati 48 orë pasi kishte ndodhur shpërthimi u dha urdhër që Pripyati të evakuohej. Banorëve u tha se do të largoheshin vetëm për disa ditë kështu që lanë pas thuajse gjithçka, por ata nuk u kthyen më.

Por brenda kësaj zone të ndaluar lindi vetëm një fëmijë. Ajo është sot 23 vjeç. Prindërit e saj refuzuan të largoheshin nga zona e ndaluar, pasi qeveria nuk i kishte dhënë një shtëpi të pranueshme si kompensim.

Prindërit e Marijka Sovenkos s’pranuan të largohen ndaj vajza e tyre u bë e vetmja që lindi aty pas shpërthimit.

Të dy prindërit e Marijka u qortuan nga e gjithë bota sepse vajza e tyre pinte qumësht nga lopët e dhitë e ushqyera me bar të ndotur, dhe pinte ujë nga çezma me nivele rrezatimi.

Nëna e saj ka thënë se ajo nuk e dinte që ishte shtatzënë. Vajzën ajo e lindi me ndihmën e të shoqit.

Në ato vite shumë media e quajtën kriminele sepse ajo po e rriste vajzën e saj në një vend të rrezikshëm. Sot ajo është rritur edhe gëzon shëndet.

Nëna e saj tha se është penduar vetëm për një gjë për faktin që vajza nuk kishte shokë me kë të luante, sepse ishte vetëm.

06/14/2019 15:47

Xhirim tronditës nga Çernobili: Një kafshë me formë të pashpjegueshme duket tmerruese