Sporti

Lëndimi i Asensios, faktor kyç për të ardhmen e James Rodriguez

07/24/2019 20:16
nga:M K

Lëndimi serioz në gju i Marco Asensios mund ta detyrojë Real Madridin ta mbajë James Rodriguezin në skuadër.

Mesfushori kolumbian kërkohet me ngulm nga Napoli dhe Atletico Madrid dhe nuk ka qenë asnjëherë në planet e trajnerit Zinedine Zidane, por gjërat mund të ndryshojnë shkaku i Asensios.

Asensio u lëndua në fitoren e Real Madridit me penallti ndaj Arsenalit në Internacional Champions Cup të mërkurën dhe u dërgua direkt në spital.

Gjiganti spanjoll njoftoi më vonë se sulmuesi e ka dëmtuar rëndë gjurin dhe do të mungojë të paktën nëntë muaj, që nënkupton se ai e ka humbur tërë sezonin.

Si pasojë, mediat spanjolle shkruajnë se kjo mund t’ia ndryshojë fatin Jamesit dhe se Madridi do të vendosë përfundimisht për të sot më vonë.

10/19/2019 23:13

Mallorca – Real Madrid, notat e futbollistëve