Lajme

I dyshuari për fajde arrestohet me rreth 35 mijë euro në xhep

10/10/2019 09:14
nga:Gazeta Blic

Një person është arrestuar nën dyshimet se ka dhënë para me fajde.

Siç njofton Policia, i dyshuari për 14 mijë euro ia ka kërkuar viktimës 36 mijë euro.

“Policia e Kosovës, konkretisht Njësiti Rajonal i Hetimeve të Krimeve Ekonomike dhe Korrupsionit Pejë, ka pranuar informacionin se një qytetar ka marrë 14000 (katërmbëdhjetë mijë) euro me fajde. I dyshuari në fund të muajit shtator 2019, i kërkon 36000 (tridhjetë e gjashtë mijë) euro viktimës si detyrim për paratë e ofruara më herët”, njofton Policia.

“Hetuesit policorë më 09.10.2019, kanë zbatuar masat e fshehta të hetimit duke arritur të arrestojnë të dyshuarin: K.B. viti i lindjes 1978, m/k/sh. Pas sjelljes së të dyshuarit në Stacionin Policor Istog, i njëjti është kontrolluar në prezencë të avokatit mbrojtës, tek i dyshuari janë gjetur dhe konfiskuar 34950  (tridhjetë e katër mijë e pesëdhjetë) euro të cilat viktima paraprakisht ia ofron të dyshuarit”, ka njoftuar Policia.

“Policia, me aprovim të organeve të drejtësisë, ka kryer kontroll në shtëpinë e të dyshuarit ku janë gjetur dëshmi relevante të cilat do të përdoren në procedura të më tejme gjyqësore, po ashtu është gjetur edhe një pistoletë. Me aktvendim të prokurorit i dyshuari dërgohen në mbajtje prej 48 orëve”, bëhet e ditur në njoftimin e Policisë së Kosovës.