Lajme

Aliu: PDK në Ferizaj mishëron guximin e dashurinë për ta transformuar qytetin

04/28/2019 20:19
nga:A. R.

Kryetari i Komunës së Ferizajt, Agim Aliu, ka marrë mbështetjen e plotë të delegatëve në kuvendin zgjedhor në Ferizaj për të udhëhequr degën e PDK-së në këtë komunë.

Një ditë pas zgjedhjes në krye të Degës së PDK-së, kreu i Ferizajt thotë se Partia Demokratike e Kosovës në Ferizaj mishëron guximin e dashurinë për ta transformuar qytetin.

“Ky orientim u konfirmua dje në Kuvendin Zgjedhor të PDK-së në Ferizaj nga ku mu besua drejtimi i timonit të forcës më të madhe politike në Ferizaj, në katër vitet e ardhshme. Me dashuri për çdo cep të qytetit që nuk fle, por rritet, zhvillohet në çdo çast, zëri im do të jetë zëri juaj, kurse zëri juaj do të jetë zëri im.

Faleminderit për mbështetjen e pakursyer ndër vite! Urime gjithë të zgjedhurve dhe lidershipin e ri të Partisë Demokratike të Kosovës në Ferizaj. Na priftë e mbara!”, shkruan Aliu në Facebook.

10/20/2019 13:50

Formacionet zyrtare: Drita – Ballkani dhe Ferizaj – Prishtina